اهدي لكم هذه القصيده وآمل ان تحوز على اعجابكم مع العلم انني مهما كتبت لن اوفي قبيلتي يام وهمدان وهذا المنتدى الشامخ حقهم علي
الا يالله اني طالبـك ياعظيـم الشـان
رقيبٍ على خلقك لطيـف ورحمانـي
رفعت السما من دون صرح ولا عمدان
وبسطت البسيطه دون زود ونقصانـي
طلبنـاك يـارب المخاليـق بالغفـران
فلاغيـرك احـدٍ نطلبـه ياكريمانـي
خلقت البشر واعطيتهم نعمة النسيـان
تعاليت ياربٍ علـى الخلـق سهرانـي
تعاليت ياللي لابغيـت اي شـي كـان
تعاليت ياربـي علـى كـل ماكانـي
عزيز الجلال الباقي وغير وجهه فـان
هو المالك الباقي وغيره يجـي فانـي
طلبناك تنصر عبدك اللي خلقت انسان
طلبناك تنصر كـل يامـي وهمدانـي
هل الراية البيضاء هل العهد والبرهان
هل الصدق لاجت كل كلمه ببرهانـي
وهم نصرة الدين المطهر على الاديان
وهم عزوتـي لاثـار بالجـو دخانـي
تبرهن لنا صدق البراهين في لزمـان
هزمنا الدول حمير وتركـي وعثمانـي
من الوادي الموقع وحتى حدود عمـان
ونجران منبـع كـل قـرم وشجعانـي
نصرنا بنـي عمانـا لابـة العجمـان
نخونا وجيناهم مثـل بـرق لمزانـي
وخذينا العهد بالسلـم والـود والامـان
وقلنا ترا مـن بـار بالعهـد خوانـي
على عهدنا باقين لو طولـت لزمـان
وحن جزء من دولة ملكنـا وسلطانـي
حماة الوطن وعضود حكامنا الظفـران
على عهدنـا باقيـن شايـب وشبانـي
بدعت القوافي والمعانـي لهـا نيشـان
ولي الفخر في مدح ربعـي وخلانـي
وصلوا على محمد رسول البشر والجان
عدد مانزل من صادق الوبـل قنفانـي
وســـــــــــلامـــــــتكـــــــــــــــــــم
موضوع: ياعظيم الشان 
الخميس مايو 15, 2008 11:41 am
