شذابة المقفي

--------------------------------------------------------------------------------

السلام عليكم ورحمة الله وبركاته

أول مصافحه بإحدى روائع الشاعر عبيد الحريصي

و أتمنى أن تحوز على إعجاب من تصفحها

--------------------------------------------------------------------------------





يابوفهد بعض السوالـف غثـا بـال
مالـي بهـا لازم ولا لـي بأهلّهـا
وشلي بهرجة ناقـل القيـل والقـال
اللي ليا مـن سمـع هرجَـه نقلّهـا
مع بعض إضافاتٍ عريضات وطوال
وأقـل مقـدار الـزيـاده دبلّـهـا
سوالـفٍ مابيـن حـاوي وجمّـال
ما أرخي لها سمعي ولا لمَن حملّهـا
ناسٍ لها بالكذب مخـرج ومدخـال
وفي عرض منهو غاب بالهرج تلّها
شذ ّابـة المقفـي ردييـن الأفعـال
عنهم أسوق الرجـل تمشـي عدلّهـا
عنهم مع أهل الطيب بلقى لي أبـدال
وعن هرجهم بلقـى هـروجٍ بدلّهـا
ولانيب مكلوفٍ بتعديـل مـن مـال
مانـي وكيـل ٍ بالعبـاد وعملّـهـا
فالنـاس جهـالٍ وفالنـاس عقّـال
وأهل الجهالـه مـا يعالـج جهلّهـا
ولا كل رجـالٍ كمـا قيـل رجـال
ولا تلحق الشرهات من لا أحتملّهـا
هذا ومـن يقفـى المقفيـن بأقـوال
الواجب إنـه يقـال فالوجـه قلّّهـا





وسلامتكم

صح بدنك والله لايهينك



أخوك $صبي يام $

مشكوووووووووووووووووووووووووووووور صح السانك

تقبل مروري