ليت حبل اليـاس يقطـع ونرجيـك
وليتك تكونين الأمـل فـي حياتـي
لأقضي حياتي ماقطعت الرجـا فيـك
وأشوف من يسبق لقاك أو وفاتـي
من قبل لاأشوفك كنت أناأحب طاريك
وكنت أنتظريوم اللقـا فيـك يأتـي
شفتك دقايق وماأشبعت عين مغلبك
ومن شوفتك أزريت أجمع شتاتـي
نشفت ريقي جعـل ربـي يجازيـك
وعجزت لاأنطق حرف يبست لهاتي
ماأنت بشر سبحـان ربٍ مسويـك
فتنه ويخضع لك جميـع العصاتـي
وأقفيت مختـال تسحـب خطاويـك
تجـر زيـنٍ مااسترتـه العبـاتـي
من يومها مستقبلي ضـاع بيديـك
وتحطمت نفسي وجميـع امنياتـي
لاحاصل وصلـك ولانـي بناسيـك
وشلون أبنسى وأنت تسكن بذاتـي
طيفك معي ورغم السافات أناجيـك
وطول الزمن يكتبك فـي ذكرياتـي
وبسألك باللي بـلا قيـاس معطيـك
مـن البهـى ياسيـد الفاتنـاتـي
وشلون صارن لك عبيـد ومماليـك
مشاعـري سلمـن لـك طايعاتـي
دقايـق شفتـك بهـا قـل واليـك
وأدفـع ثمنهـا سنينـي المقبلاتـي
موضوع: حبل الياس 
الجمعة مايو 16, 2008 10:53 am
